Save Me Fae Mehsel’

 

 Words & Music by Gordon Douglas © 2008 

 

 

 

Eh’v never been religious and eh’v never learnt tae pray

But Jesus if yer watchin, please look efter me the day

Eh ken eh seem quite hard on the outside no’ within

Eh’m cald and eh am hungry and eh’m scared oot o’ meh skin 

 

 

Success wis nae ambition, it wis easier tae fail

Eh ended up in here fir playin’ hookey fae the scale

They sent me tae this place like the bo’um o’ a well

The great an’ the good jist tell me it’s tae save  is fae mehsel’ 

 

 

They say it’ll save is fae mehsel’

Eh hae meh doubts but time’ll tell

That it’ll mak a man o’ me

Don’t hud yer breath, we’ll hae tae see 

 

 

A mannie came tae see is, eh wis sobbin’ in meh sleep

Telt me it wis normal that it’s no a shame tae weep

Says that eh’ll be OK Doke, in jist a wee bit time

Huv the makin’s o’ a sailor, he thocht eh wid be fine 

 

 

They say it’ll save is fae mehsel’

Eh hae meh doubts but time’ll tell

That it’ll mak a man o’ me

Don’t hud yer breath, we’ll hae tae see 

 

 

Now it’s time tae laiv the ship, a tear comes tae meh een

Wis robbery an’ poverty that eh wis stuck atween

As faird tae leave meh pals, these brave wee tiny tars

Nae feelin’ o’ disgrace eh’m proud tae say eh’m fae the Mars 

 

 

That it hus made a man o’ me

Eh fear nae man now eh am free

Tho’ life’s been hard, but let me tell

The Mars hus saved me fae mehsel’