A Mars Boy's Who Eh Am (Tango, Slow)

 

 Words & Music by Gordon Douglas © 2008 

 

 

Eh’v spent a lifetime on the raging sea

Eh’v sailed fae Dundee tae Japan

Eh paid meh dues, it’s takin’ care o’me

Cause eh’m a Mars Boy, tis who eh am 

 

 

From the banks o’ Newport tae Australia

Through frozen seas and burnin’ sun

Eh mind o’ a’ the good times that we hud

Eh wish that eh could now return 

 

 

The Mars hus been the only hame eh’v known

Inside it’s widen wa’s, ye ken eh’v grown

It’s been Mither, it’s been Faither, it’s been hard

But a Mars Boy’s wha eh am, that’s how eh’m tarred

 

 

 

Eh mind the Hackie and Woodhaven Pier

We’d a’ look fondly at the La’

Captain Scott his passing, well, Eh shed a tear

Watched the Tay Bridge rise, eh seen it fa’ 

 

 

The Mars hus been the only hame eh’v known

Inside it’s widen wa’s, ye ken eh’v grown

It’s been Mither, it’s been Faither, it’s been hard

But a Mars Boy’s wha eh am, that’s how eh’m tarred 

 

 

People ask me where it is eh’m sailin fae ?

At the docks an’ in the bars

Ask me whar eh creh ye ken, meh birthin’ place

Proudly eh jist say eh’m fae the Mars 

 

 

The Mars hus been the only hame eh’v known

Inside it’s widen wa’s, ye ken eh’v grown

It’s been Mither, it’s been Faither, it’s been hard

But a Mars Boy’s wha eh am, that’s how eh’m tarred